البيئة دي بتاعتنا كلنا

يقول مالك بن نبي في كتابه ميلاد مجتمع: "إن العمل الأول في طريق التغيير الاجتماعي هو العمل الذي يغير الفرد من كونه فرداً (Individu) إلى أن يصبح شخصاً (Personne) وذلك بتغيير صفاته البدائية التي تربطه بالنوع إلى نزعات إجتماعية تربطه بالمجتمع."

هنا يبدأ التغيير، فيبدأ الفرد في محاولات التغيير ومعه يتغير المجتمع، ولأن ما استحق أن يولد من عاش لنفسه فقط، فاعتبار الكائنات الحية الأخرى جزءاً من المجتمع أصبح فرض عين والحفاظ عليها صار من الضروريات.

الموضوع يبدو خطيراً وصعباً للغاية ولكنه من أسهل وألطف ما يكون! فمجرد خطوات وتغييرات بسيطة في الحياة اليومية ستجعل لك دوراً في الحفاظ على السلاحف من الانقراض!

بلاش تملى إزازة المياه الغازية تاني

ببساطة الزجاجة لو استخدامها مرة واحدة فقط! فهي مرة واحدة بس. ارمي إزازة المياه البلاستيك والكوبايات الورق والأطباق الفوم والشوك البلاستيك وأكياس السندويتشات لأن مهمتهم خلصت بمجرد ما استخدمتهم. لو بتحب تعيد استخدام الحاجة، اشتري المواد القابلة لإعادة الاستخدام زي الزجاج والبلاستيك المخصص لإعادة الاستخدام، بذلك ستكون قد أديت خدمة جليلة للبيئة.

استخدم المياه بالعقلللللللل

راقب استخدامك للمياه، غالباً هتلاقي نفسك بتهدر مياه كتير من غير ما تاخد بالك. على سبيل المثال: الحنفية مفتوحة وانت بتغسل سنانك، أو لسه بترتب المواعين في الحوض. ساعات بتنسى المياه مفتوحة وانت بتاخد شاور في الوقت اللي بتنزل فيه الشامبو من الإزازة، ركز كده وهتلاقي أوقات كتير بتسيب فيها المياه مفتوحة على أساس أنه مجتش على الثانيتين دول. لكن مع تكرار الثانيتين على مدار اليوم بيكون المجموع ساعتين. ركز بقى.

خليك عملي أكتر في اختيار المنتجات

حاول تقلل المخلفات اللي حواليك! لأ مقصدش الناس. أقصد فرشاة الأسنان ممكن تكون خشب، أحجام الشامبو والبلسم واللوشن ممكن تكون كبيرة بدل الصغيرة فنقلل الهدر. ممكن تروحي لأبعد من كده وتستخدمي كأس الحيض بدل الفوط النسائبة، اللي هي صحية أكتر وبتقعد معاكي لفترة طويلة. بص حواليك طول الوقت شوف ازاي تقدر تقلل المخلفات اللي خارجة من بيتك، ايه اللي بيعيش معاك ويدوم وإيه الحاجات اللي عمرها قصير وتترمي بسرعة. فكّر أكتر في أثر كل حاجة بتشتريها على البيئة.

افرض شكل حياتك

خلّي معاك دايماً كل الحاجات اللي تخليك محافظ على مبدأك. لو بتروح للسوبر ماركت، خلي معاك شنط قماش أو شنطة ضهر. لو بتروح تاخد قهوتك من مكان، خلي معاك المج الحراري بتاعك. لو بتركب طيارة أو مواصلة أو حتى خروجة، خلّي معاك كل اللي محتاجه أو كوباية وطبق. ممكن يبان كل ده كتير أو غير ضروري، لكن الفكرة في إنك تعيش بمبادئك وتمشي حياتك بالشكل المناسب ليك حتى لو كان مختلف. خصوصاً إن دلوقتي بقى فيه بدائل صحية كتيرة لكل حاجة وكمان شكلها حلو وخفيفة وسهل التحرك بها.

اقرا أكتر وافهم عن قضيتك

الفعل المدعوم بالمعرفة بيفرق كتير. معرفة الواقع حوالينا وحجم الضرر الواقع على البيئة من الشركات والمصانع وآليات العمل المسببة للتلوث والاحتباس الحراري والتصرفات واسعة المدى. لذلك لازم تكون واعي أكتر بكل اللي بيحصل وتفهم أثر التغيرات الفردية ومدى تأثيرها على البيئة. لأن مهما كان الفعل صغير بالتأكيد استمراره هيكون له أثر كبير.